La Pauleko antzinako iturria berreskuratuko du udalak

Erabiltzailearen aurpegia Urduñako Udala 2020ko ekainaren 9a

Obrak egin dituzten gunea./ Urduñako Udala

Antzina ezaguna zen La Paul bideko iturria berritzeko lanak abian jarri ditu Urduñako Udalaren Hirigintza Arloak. Uholdeek kaltetutako lekua da eta denbora luzez egon da estalita. Maiatzaren erdialdean hasi dira obra horiek.

Duela astebete gauzatutako 2. fasean sastrakaz betetako eremua garbitu da. Aste honetan, burdin hesia instalatu dute iturriaren inguruan, 3. fasearen barruan.

Hamabost egun barru 4. fasea hastea aurreikusi du udalak. Horren barruan, lokatza aterako dute eta harrizko horman dagoen huntza murriztea espero da. Lan horiekin batera, iturria kokatuta dagoen bidegunearen hainbat metro asfaltatuko dituzte.

Behin espazioa txukuntzeko azken obrak amaituta, duela 35 urte inguru eraiki ziren eskaileretatik jaitsi ahal izango da iturrira.

Jendartea Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide