Tamaina handiko hondakinak ostiraletan biltzen dira lehen orduan; beraz, beharrezkoa da hondakin horiek edukiontzien ondoan uztea ostegunetan. Kasu horretan, 900 84 02 30 telefonora deitu behar da aldez aurretik.
Urduñak zabor mota guztietarako edukiontziak ditu. Ingurumen-arrazoiak direla eta, hondakinak dagokion edukiontzian sartzea eskatzen da, edo, bestela, Garbigunera eramatea.
Tamaina handikoak dira, adibidez, altzariak eta tresna elektriko handiak; eta inola ere ez tamaina txikiagoko objektuak: ordenagailuak, jostailuak, pneumatikoak, etab. Zabor mota hori orain irekita dagoen Garbiguneari dagokio.
Halaber, ezin dira animalia hilak utzi edukiontzietan, baizik eta Base Gorria doako zerbitzura deitu beharra dago, 94 446 52 97 telefono zenbakira.
Oro har, hiriko edukiontziak ez daude beteta. Beraz, zaborra kontainerren barruan utzi behar da beti. Edukiontzien erabilera desegokiak arratoiak eta bestelako karraskariak erakar ditzake, besteak beste.
Egungo pandemia egoeran, oso garrantzitsua da kaleak eta espazio komunak garbi mantentzea, eta bide publikoarekin lotutako arau horiek ez betetzeak zigorrak ekar ditzake.