Autokarabanentzako behin-behineko aparkalekua prestatu du Urduñako Udalak

Erabiltzailearen aurpegia Urduñako Udala 2020ko ekainaren 15a

Autokarabanen aparkalekua./ Urduñako Udala

Gorantz ari den sektore turistiko hori erakartzea eta udalerrian hautematen den premiari behin-behinean erantzutea dira helburuak.

Urduñako Udaleko Hirigintza Sailak autokarabanak aparkatzeko behin-behineko gune bat egokitu du Nafarroako parkingean.

Guztira, autokarabanentzako 12 plaza izango ditu azpiegiturak, eta ekainaren amaieran prest egotea espero da. Gainerako aparkalekuak beste ibilgailu mota batzuetarako izango dira, besteak beste, autoetarako.

Erabiltzaileek edateko ura kargatzeko eta ur grisak husteko aukera izango dute, gutxi gorabehera, parkingetik 500 metrotara. Zehazki, hiriko zezen-plazan eskainiko da zerbitzu hori.

Egokitze lanak Ekonomia Sustapen udal arloarekin batera gauzatu dira. Ekintza honen helburua da udalerrian hautematen den premiari behin-behinean erantzutea eta, aldi berean, hirian gutxieneko espazio bat sortzea autokarabanen sektore turistikoa erakartzeko, gaur egun gorantz egiten ari delako.

Jendartea Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide