Irekita dago Urduñako autokarabanentzako behin-behineko aparkalekua

Erabiltzailearen aurpegia

Urduñako Udaleko Hirigintza Sailak Nafarroako parkingean egokitu duen autokarabanak aparkatzeko behin-behineko gunea prest dago.

Guztira, autokarabanentzako 12 plaza ditu; gainerako aparkalekuak, aldiz, beste ibilgailu mota batzuetarako dira, besteak beste, autoetarako.

Erabiltzaileek edateko ura kargatzeko eta ur grisak husteko aukera dute, gutxi gorabehera, parkingetik 500 metrora: hiriko zezen-plazan, hain zuzen ere.

Egokitze lanak Ekonomia Sustapen udal arloarekin batera gauzatu dira. Helburua da udalerrian hautematen den premia bati behin-behinean erantzutea eta, aldi berean, hirian gutxieneko espazio bat sortzea autokarabanen sektore turistikoa erakartzeko, gaur egun gorantz ari delako.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide