Udalaren Sustapen Ekonomikoko Sailak antolatuta, 1.800 bonu eskainiko dira. Beste behin ere, tokiko kontsumoa dinamizatzea eta sustatzea da helburua. Bonuak kontsumitzeko epea 2020ko abenduan amaituko da, izakinak aldez aurretik agortzen ez badira.
Urduñako Udalak Bono Denda kanpaina berria jarri du martxan. Deialdi honetan, 1.800 deskontu-txartel eskainiko dira kanpainarekin bat egin duten dendetan, Udalaren Sustapen Ekonomikoko Sailak antolatuta. Hiriko merkataritzaren kontsumoa dinamizatzea eta sustatzea da helburua.
Bonu bakoitzak 25 euroko balioa izango du: 20 euro erosleak ordainduko ditu eta beste 5ak Udalaren kontura izango dira. Bonuak kanpainan parte hartzen duten saltokietan bertan eskuratu ahal dira. Horiek identifikatzeko, establezimenduen kanpoaldean kartelak jarri dituzte.
Bonuak kontsumitzeko epea 2020ko abenduan amaituko da, izakinak aldez aurretik agortzen ez badira. Edozein motatako saltokietan erabili ahal izango dira, hala nola, arrandegietan, harategietan, zapata-dendetan, arropa-dendetan, liburu-dendetan eta lurrin-dendetan. Pertsona bakoitzak gehienez 2 bonu kontsumitu ahal izango ditu, biak batera edo banan banan.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
