Urduñako adingabeen zentrotik etorritako 8 bat gaztek hiriko ibaia, kaleak eta ur-hodiak garbitu dituzte udan.
Besteak beste, egoera txarrean dauden zuhaitzen adarrak kendu dituzte, zuhaitzak ureztatu eta, gainera, horien behealdean konposta jarri dute.
Agua Salada bidean, zehazki, plastikoz beteta zegoen eta 4 metro diametroko zuloa zuen erreka garbitu dute. Toki horretan bertan, hainbat lan egin dituzte horma bat eraikitzeko. Aintzane Okeranza urduñarrak koordinatu du gazteen taldea.
Bestalde, Refugio de los sabios aterpean, animalien harrerarako lekua egokitzen aritu den boluntario taldean zentro berean bizi ziren 4 gaztek parte hartu dute.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide