Urduñako Udaleko Berdintasun Sailaren gutunontzia herritar guztien eskura dago udal webgunean: http://www.urduna.com/es-ES/Servicios/Igualdad/Paginas/Buzondelserviciodeigualdad-Berdintasunzerbitzuarengutunontzia.aspx.
Helburua da herritarrekin komunikatzeko bideak estutzea eta udalerrian sor daitezkeen iruzkin, iradokizun, kontsulta, kexa eta zalantzei erantzutea, besteak beste. Edozein kontsulta edo ekarpen egiteko, urduñarrek harremanetarako zenbait datu eman beharko dituzte, langileek datu horiek kudeatu ahal izan ditzaten.
Nolanahi ere, informazio pertsonal hori Datu Pertsonalak Babesteari eta eskubide digitalak bermatzeari buruzko abenduaren 5eko 3/2018 Lege Organikoan ezarritakoaren arabera tratatuko da beti.
Hala ere, aipatu behar da arlo honek dituen harremanetarako bideak martxan jarraituko dutela, besteak beste, 945 38 30 03 eta 674 33 78 71 telefonoak, berdintasuna@urduna.com helbide elektronikoa eta 'Berdintasuna Urduña' Facebookeko orria, non hiriko berdintasun-zerbitzuei buruzko albiste eta berritasun guztiak jasotzen diren.