Urduñako alkatea, Itziar Biguri, eta Marijo Imaz, Ekoizpen Udal Zerbitzuaren teknikaria, Agroekologiaren aldeko Hirien Sarearen urteko topaketan arituko dira, urriaren 1ean eta 2an: ‘Tokiko elikadura-sistemak arrisku globalen aurrean, COVID-19tik krisi klimatikora’.
19 udal ordezkariek izango duten bileraren ostean, urriaren 1ean, ostegunean, online prentsaurrekoa eskainiko da, “Elikadura jasangarriaren aldeko adierazpena arrisku globalen aurrean” izenekoan sinatutako konpromisoak aurkezteko. Bertan, Urduñako Udala arituko da modu aktiboan. Konpromiso horiek Sarearen eta horren kide diren erakundeen ibilbide-orria zehaztuko dute.
Ostegun arratsaldean, gainera, “Asesoría y acompañamiento a iniciativas productivas agroecológicas y acceso a la tierra” izeneko hitzaldian parte hartuko dute Bigurik eta Imazek, non Urduñako adibideak eta ibilbidea azalduko dituzten.
Esperientziak trukatzeko gunea
Sarea osatzen duten udaletako ordezkariez gain, Trantsizio Ekologikorako eta Erronka demografikorako Ministerioko ordezkariak zein Europako Batzordeko Osasun eta Elikagaien Segurtasunerako Zuzendaritza Nagusiko ordezkariak izango dira topaketan.
Oro har, esperientziak trukatzeko ezinbesteko gunea izango da aurtengo topaketa; izan ere, osasun-krisiak agerian utzi du prebentzioko osasun-estrategia gisa elikadura onak duen garrantzia eta nekazaritzako elikagaien eredua artatu beharreko lehentasunetako bat dela.
Hogei bat udaletxek eta Gizarte Erakundeen Kontseiluak (CO) osatutako sareak nekazaritzako elikagaien ekoizpen iraunkorrak indartzearen eta babestearen aldeko apustua egiten du -hala nola, familia-nekazaritza, nekazaritza ekologikoa, elikagaien artisau-lanketa, abeltzaintza estentsiboa eta artisau-arrantza jasangarria-, funtsezko zeregina baitute elikagaien hornidura osasungarria, eskuragarria eta ingurumenarekiko errespetuzkoa bermatzeko orduan.
Topaketarako behin behineko esteka.