Urduñako eskola-jantokia eta sukalde publikoak bisitatu dituzte Legebiltzarreko kideek

Erabiltzailearen aurpegia
Ordezkari politikoak, ikastetxearen sarreran. / Urduñako Udala

EAJ-PNVko Alaitz Zabala, EH Bilduko Ikoitz Arrese, Elkarrekin Podemos-IUko Gustavo Angulo, PSEko José Antonio Pastor eta Hezkuntzako legelaria Zelai Nikolas aritu dira egun hauetan eskola-jantokien proiektu pilotuetan.

Urduñako Herri Eskolaren jantokia eta sukaldea bisitatu zituzten atzo Hezkuntzako legelaria Zelai Nikolasek eta Eusko Legebiltzarreko zenbait ordezkarik, EAJ-PNVko Alaitz Zabalak, EH Bilduko Ikoitz Arresek, Elkarrekin Podemos-IUko Gustavo Angulok, PSE-EEko José Antonio Pastor, hain zuzen ere. Udalak eskerrak eman nahi dizkie  bisitagatik eta proiektuarekiko adierazitako interesagatik.

Urduñaren kasuan, 2018-2109ko ikasturtean abiatu zen proiektua eta Urduñako LHI eskolako IGEk kudeatzen du jantokia, Urduñako Elikadura Estrategian barneratuta. Hiriko eskolaz gain, Markina-Xemeingo eskola publikoa, Gernikako Allende Salazar eskola eta Mungiako Laukariz eskola publikoan ere egon dira. 

Eskolako IGEk nahiz zuzendaritzak egindako lan guztia eskertzen du Urduñako Udalak, baita beste herrietako proiektu pilotuak burutzen dituzten gurasoei ere. Pilotu izatetik eredu izatera salto egitea beharrezkotzat jotzen du tokiko erakundeak. Horretarako, lege-esparru bat landu behar da, eta udala prest dago ahal duen neurrian laguntzeko.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide