Apirilaren 25ean, igandean, Nafarroa aparkalekuko ingurua atontzeko eta bertan muralak margotzeko auzolanean parte hartu zuten Urduñako hogei auzokide inguruk.
Zehazki, parkinga garbitu eta hiru mural margotu zituzten: margolan bat David Hoskingek margotu zuen, beste bat Joseba Lopezek eta hirugarrena auzolanean egin zen. Horrez gain, aparkalekutik La Posadara dagoen lorategia atondu zuten herritarrek.
Itziar Biguri alkateak “oso balorazio positiboa” egin du. “Lehenengo auzolana da eta adin desberdinetako herritarrak hurbildu dira”, azaldu du alkateak. Horrekin batera, eskerrak eman nahi dizkie ekimen honetako parte-hartzaile guztiei.
Hurrengo auzolana maiatzaren azken asteburuan izango da. Hitzordua eta egingo dituzten ekintzak aurrerago iragarriko dituzte.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
