Arte Eszenikoen esparruko emakumeen Neskartfest jaialdia Urduñan gauzatuko da

Erabiltzailearen aurpegia Urduñako Udala 2021ko mai. 6a, 10:56

Uztailaren 2an eta 3an genero eta estilo eszeniko ezberdinetako proposamenak eskainiko dira Urduñan, emakumeek gidoilatuak edo zuzenduak.

Neskartfest, Arte Eszenikoen Euskal Herriko Emakumeen Jaialdia, emakume artistek eta sortzaileek kulturaren munduan egiten duten lana ikusarazteko helburuarekin sortu da, Kuluxka konpainiaren eskutik eta Urduñako Udalaren laguntzarekin. Uztailaren 2an eta 3an genero eta estilo eszeniko ezberdinetako proposamenak eskainiko dira Urduñan, beti ere emakumeek gidoilatuak edo zuzenduak.

Formatua eta gaiak libreak izango dira, emakumeak eta COVID-19a hizpide dituzten lanak hobetsiko diren arren. Hizkuntzari dagokionez, haurrentzako euskarazko 3 lan  aukeratuko dira. Gainerakoetan, gaztelaniazko 3 eta euskarazko 1 aukeratuko dira.

Parte hartu nahi duten taldeek maiatzaren 6tik 31ra arte aurkeztu beharko dute eskatutako materiala. Posta elektronikoz bidali beharko dute neskartfest@urduna.com helbidera. Mezuko gaian, 'Neskartfest + ikuskizunaren izena' idatzi behar da.

Neskartfest jaialdiaren oinarriak ondorengo estekan kontsulta daitezke: https://sway.office.com/fqyaoJN0a6MlJU3I. Bertan, jaialdiari buruzko informazio guztia eta harremanetarako kontaktuak topatu ahal dira.

Kuluxka konpainia hobeto ezagutu nahi izanez gero, https://sway.office.com/83dNLQp6BmUF6jXJ web-orrian informazio gehiago irakur daiteke.

Kultura Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide