Turismo-bulegoko bisitarien erregistroa 909 pertsonakoa izan da 2021eko Aste Santuan: bisita bakoitzeko, 3 pertsona eta ia 4 kontsulta batez beste. Datu hauek 2018an eta 2019an jasotakoak baino askoz altuagoak dira. 2018an, 451 pertsona hurbildu ziren turismo zerbitzura; 2019an, berriz, 453 lagun.
Hau da, %100eko igoera egon da aurten, aurreko urteekin alderatuta. Okupazio altua izan dute ostatuek, eta autokarabana zein furgoneta egokitu ugari egon dira hirian.
Jatorriari dagokionez, Gipuzkoako biztanleria nabarmentzekoa da, guztizkoaren %40ra hurbildu baita. Profila familiarra izan da, baik bat, haurrak dituzten bikote gazteak bertaratu direlako.
Zalantzarik gabe, COVID-19aren egoera dela eta, adin-tarte txikiena nagusiena izan da, %5era iritsi ere ez dena.
Eskarien artean, natura-inguruneko kirol-jarduerak nabarmentzen dira, hala nola mendi-igoerak eta mendi-ibiliak, naturako jarduerak eta familiako jarduerak.
Interes gehien erakarri dituzten interesguneak Nerbioiko ur-jauzia eta Delikako Kanoia izan dira. "Eman bostekoa Urduñari" jardueren programazioari dagokionez, parte-hartzea oso ona izan da; Pazko asteburuan, baina, jardueretako bat bertan behera utzi behar izan zen, Arabako lurralde-mugikortasuna itxi zelako.