Maria Dolores Madaria urbanizazio-lanak burutzeko lizitazio publikoa argitaratu berri du Urduñako Udalak, zehazki, kalean zein plazan birzolatze-lanak egiteko. Interesa duten enpresa eraikitzaileek hiru asteko epea izango dute eskaintzak aurkezteko.
Aurreikusitako balioa 319.743,83 eurokoa da (gastu orokorrak, etekin industriala eta BEZa barne) eta nabarmendu beharra dago, urbanizazio-proiektu horren barruan, izaera eta finantzaketa publikoko ekintzak zein pribatuak egongo direla.
Alde publikoari dagokionez (Maria Dolores Madaria kalea bere espaloiekin eta Gran Viako espaloia), Urduñako Udalak 185.312 euro bideratuko ditu.
Pribatuari dagokionez, akordio batera iritsi da udala, bizilagunekin egindako lankidetza-hitzarmen baten bidez eta plaza urbanizatzeari dagokionez. Auzokideek %62 jarriko dute, 83.410 euro, eta udalak gainerako %38a, hau da, 51.020 euro.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
