Hiriko gastronomiarekin lotutako hainbat jardueraz gozatu ahal izango dute urduñarrek urritik azarora bitartean, Turismo Bulegoaren eskutik. Ekintzen izen-emateak webgunean egingo dira, bertan prezioak eta ordutegiak ere kontsulta daitezke.
Hiru ekitaldi antolatuko dira urrian. Hilaren 2an, larunbatean, 18:00etatik 21:00etara, gaueko mahats-bilketa gauzatuko da Gure Ahaleginak txakolin upeltegian, mahats-biltzaile baten zereginak ezagutzeko eta gozatzeko esperientzia enoturistikoa.
Urriaren 10ean, 17an, 24an eta 31n, igandeetan, bisita gidatuak eta txakolin dastaketak egingo dira Gure Ahaleginak upeltegian. Kasu horretan, ordutegia 11:30etik 13:00etara izango da.
Azkenik, "Urduña Onddotan" izenburupean eta urriaren 30etik azaroaren 1era bitarteko zubi mikologikoan, pintxo-ibilbidea eskainiko da ostalaritza-establezimenduetan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
