Gabonetako XIII. Marrazki Lehiaketa abiatu da Urduñan

Erabiltzailearen aurpegia

Gabonetako marrazki txapelketa abiatu du beste behin ere Urduñako Udalaren Kultura Arloak. Lanak aurkezteko epemuga azaroaren 26a da, 13:30ak baino lehen. Jatorrizko lanak Alondegia Gizarte-etxeko (Foru Plaza 9) harrera-mahaian aurkeztu beharko dira, astelehenetik ostiralera 10:30etatik 13:00era eta 17:00etik 20:00era.

Hiru kategoriatan lehiatuko dira parte-hartzaileak:

  • A kategoria.- 2017-2015 bitartean jaioak.
  • B kategoria.- 2014-2012 bitartean jaioak.
  • C kategoria.- 2011-2009 bitartean jaioak.

Aurtengo leloa ‘Gabonak 2021’ izango da. Lelo hori ez duen kartela baliorik gabekotzat joko da eta ez da onartuko lehiaketan.

Formatuari dagokionez, marrazkiak eskuz eginak izan beharko dira. Urduñako Udalak eskoletan banatuko duen paperean egin beharko dira marrazkiak, bertan egindakoak baino ez baitira onartuko lehiaketan. Paper hori Alondegian ere jaso ahalko da.

Horrez gain, aipatu beharra dago lanak sinadurarik eta gutun-azalik gabe aurkeztuko direla. Horrez gain, orriaren behealdean, hainbat datu zehaztu beharko dira: zein kategoriatakoa den, harremanetan jartzeko pertsonaren izen-abizenak, posta-helbidea, posta elektronikoa eta telefono zenbakia.

Sariak abenduan banatuko dira; Gabonetako egitarauan zehaztuko da hitzordua. Urduñako Udalak, Gabonetako egitarauan, argitara eman ahal izango ditu lan saritu eta hautatuak. Horrez gain, lehiaketan parte hartzen duten lan guztiak erakusketa batean bilduko dira, datozen Gabonetan Alondegian ikusgai izango dena.

Bi sari banatuko dira kategoria bakoitzeko:

  • A kategoria: 1.-30 €, 2.- 20 €
  • B kategoria: 1.- 40 €, 2.- 30 €
  • C kategoria: 1.- 50 €, 2.- 40 €

* Eskola-materiala eskuratzeko.

Erlazionatuak

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide