LAN ESKAINTZAK

Bi lanpostu berri sortuko dira Urduñan 2021-2022ko Eskualdeko Enplegu-Planaren barruan

Erabiltzailearen aurpegia

2021ean eskualdeko enplegu-planak gauzatuko dira berriz ere. Aiarako Kuadrillan eta Urduñako udalerrian 38 pertsona kontratatuko dira sei hilabetez, 35 lanaldi osoan eta 3 lanaldiaren % 60an. Urduñaren kasuan, bi pertsona kontratatuko dira udal brigadan jardunaldi osoz eta sei hilabetez, abenduaren amaieratik ekainaren bukaerara arte.

LANBIDEk ekainaren 16ko ebazpenaren arabera eskatzen dituen baldintzak betetzen dituzten langabeentzat dira plan horiek.

Udalerri bakoitzean hainbat profil kontratatuko dira, eta iragarkiak LANBIDEn argitaratuko dira azaroaren 15etik aurrera.

Interesdunek azaroaren 30era arte eman ahal izango dute izena, LANBIDEren bitartez; horretarako, LANBIDEren web zerbitzua erabiltzea gomendatzen dugu. Kontratazioak abenduaren 31 baino lehen egingo dira.

Horrez gain, aurten berriro deituko dira enpresak kontratatzeko laguntzak, eta aurreikusitako zenbatekoa 151.500,00 eurokoa da.

Planak 665.000,00 eurotan baino gehiagotan zenbatesten dira, eta LANBIDEk (Euskal Enplegu Zerbitzuak) % 69an finantzatuko ditu gutxi gorabehera.

Baldintzak

Eskatzaileek langabezian egon beharko dute, Lanbiden enplegu-eskatzaile gisa altan eta izena emanda. Gainera, baldintza hauetakoren bat bete beharko dute:

  • Diru-sarrerak Bermatzeko Errentaren (DBE) titularrak edo onuradunak.
  • 35 urtetik beherako pertsonak.
  • 45 urtetik gorako pertsonak.
  • Iraupen luzeko langabeak.
  • Gizarte-bazterkeria jasateko arriskuan dauden pertsonak.
  • 18 urtetik gorako eta 30 urtetik beherako gazteak, Adingabeak Babesteko Erakundeetakoak.
  • Droga-mendetasuneko arazoak edo bestelako mendekotasun-arazoak dituzten pertsonak, errehabilitazio-prozesuan edo gizarteratze-prozesuan daudenak.
  • Espetxeetan dauden pertsonak, baldin eta haien espetxe-egoerak enplegu bat lortzea ahalbidetzen badie.
  • Adin txikiko barneratuak, haien egoerak lana lortzeko aukera ematen badie.
  • Euskal Autonomia Erkidegoko agintari eskudunek baimendutako ostatu-zentro alternatiboetatik datozen pertsonak.
  • Desgaitasuna duten pertsonak.
  • Familia-erantzukizunak dituzten emakumeak.
  • Genero-indarkeriaren biktima diren emakumeak.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide