Dena prest Urduñan Euskararen Eguna ospatzeko

Erabiltzailearen aurpegia Urduñako Udala 2021ko aza. 23a, 16:37

Jardunaldia 11:00etatik 13:30era bitartean izango da, eta aukera egongo da aurrez aurre bertaratzeko nahiz online konektatzeko.

Beste behin ere, urtero abenduren 3an den Euskararen Eguna ospatzeko egitaraua antolatu du Urduñako Euskara Batzordeak.

Hilaren 2an, 6 urtetik 12 urtera bitarteko haurrentzako ihes gela eskainiko da. Alondegian izango da, 17:00etan. Jarraian, 18:00etan, helduentzako ihes gelan parte hartzeko aukera izango dute urduñarrek.

Abenduaren 3an, Euskararen Eguneko adierazpena irakurriko du Urduñako Euskara Batzordeak, 17:00etan, Foru Plazan. Horren ostean, euskal diskofestaz gozatzeko aukera egongo da. Bertan, txokolate jana prestatuko du Eskola Publikoko Ikasleen Guraso Elkarteak. Egun horretan, '80 Amandre' helduentzako ipuin saioa ere egongo da, Dorleta Kortazarren eskutik 18:30ean, Alondegian.

Azkenik, hilaren 4an, Luiaondon izango den Euskararen Egunaren jaira joko dute urduñarrek. Bertan, kontzertuak, jolasak eta bazkaria eskainiko dira, besteak beste.

COVID-19a dela eta, gerta daiteke saioren bat bertan behera geratzea, atzeratzea edo egoerara egokitzea.

Euskara Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide