Aratusteen ospakizuna otsailaren 25ean abiatuko da Urduñan, 17:30ean eskainiko duten haurrentzako tailerrakin. Alondegian izango da eta, bertan, makillaje eta maskaren sorkuntza saioaz gozatzeko aukera izango dute 4 eta 12 urte bitartekoek.
Hurrengo egunean, Elektrotxaranga Orkestrak hasiera emango dio inauteri-larunbatari. Kaleak musikaz beteko dituzte 13:00etatik aurrera.
Desfilea 18:30ean hasiko da Herri Eskolan. Edukiera kontrolatu ahal izateko, izen-emateak online izango dira otsailaren 24ra arte, www.labur.eus/AratusteakUrduna helbidean. Dena dela, izena emateko azken aukera egongo da 17:00etan Eskolan.
Behin desfilea amaituta, DJ Pacok eta DJ Varrok gaua girotuko dute, 19:00etatik eta 21:30etik aurrera, hurrenez hurren.
Igandean, hilaren 27an, Santa Zezilia musika bandak eta Bihotza konpartsak kalejira egingo dute; lehenengoa 12:00etan abiatuko da eta bigarrena 12:30ean. 13:00etan dantza poteoa eskainiko du Erauntsi Dantza Taldeak.
Azkenik, hilaren 28an, Aratuste tostadak kozinatzeko tailerra emango du Marmitaren Elkarteak, 6 eta 12 urte bitartekoei bideratuta. Plazak mugatuak izango dira eta izena eman beharko da Alondegian otsailaren 18a baino lehen.
Ekintzak liburutegian
Bestalde, Aratusteak ospatzeko bi jarduera antolatu ditu udal Liburutegiak martxorako.
Alde batetik, martxoaren 1ean, asteartean, 'Érase una vez... Bazen behin...' ekintzan parte hartuko ahalko dute urduñarrek, 17:00etatik 20:00ak arte. Mozorratuta joan beharko dute helduen liburutegira. Bertan, bere mozorroarekin lotutako liburu bat topatu beharko du parte-hartzaile bakoitzak, horrekin argazkia ateratzeko. Parte hartuko duten guztiek sorpresa jasoko dute.
Horrez gain, egun berean, Onward haurrentzako filma ere eskainiko dute bertan, 17:00etan.
Edukiera mugatua denez, aldez aurretik izena eman beharko dute interesdunek Alondegian otsailaren 18a baino lehen.
OTSAILAK 25
17:30 Alondegia. (4-12 urte)
Maskara eta makillaje tailerra.
Izen-emateak Alondegian otsailaren 18ra arte.
OTSAILAK 26 DE FEBRERO
13:00 Kale animazioa, Elektrotxaranga orkestra.
17:00 Eskola Publikoa.
Desfilearen AZKEN IZEN-EMATEAK.
*Online ere bai: www.labur.eus/AratusteakUrduna
18:30 Eskola Publikoa.
Aratuste desfilea.
19:00 Disko festa: DJ Paco.
21:30 Disko festa: DJ Varro.
OTSAILAK 27
12:00 Kalejira, Santa Zezilia Musika Banda.
12:30 Bihotza Konpartsaren erraldoi eta buruhandiak.
13:00 Dantza poteoa Erauntsi Dantza Taldearen eskutik.
OTSAILAK 28
17:00 Alondegian. (6-12 urte).
Aratuste tostadak kozinatzeko tailerra, Marmitaren elkatearen eskutik.
Izen-emateak Alondegian otsailaren 18ra arte.
MARTXOAK 1
17:00-20:00 Liburutegia. 'Érase una vez... Bazen behin...' ekintza.
17:00 Biblioteca. Onward haurrentzako filma.
Izen-emateak Alondegian otsailaren 18ra arte.