Eva Isasik eta Efren G. Frechillak lagatutako bi koadroen zozketa burutu du gaur, apirilaren 29an, Urduñako Loraldi emakumeen elkarteak, Txernobil Ekartea Elkartearentzat dirua biltzeko, Ukrainari laguntzeko abian duen kanpainaren barruan, hain zuzen. Txartelak salduz lortutako diru guztia elkarte horri emango zaio.
Zozketa Alondegia Gizarte Etxean egin da, 12:00etan, eta bertan Loraldiko hainbat kidek parte hartu dute, baita margolan baten egileak berak ere. Izan ere, Eva Isasi margolaria txartel irabazleak poltsatik ateratzeaz arduratu da.
Irabazleek maiatzaren bukaeran jasoko dituzte koadroak, Loraldi elkartearen lokalean. Koadroek 300 euro baino gehiagoko balioa dute.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
