Urduñako Duintasunaren Kolunbarioa uztailaren 28an inauguratuko da

Erabiltzailearen aurpegia

Hiriko udal hilerrian izango da, 11:00etan. Bertan, frankismoaren eta Gerra Zibileko 15 biktimen gorpuzkiak hobiratuko dituzte berriro. Horietako 14 Urduñako Espetxe Zentral zaharrean hil ziren eta 2014an hilerritik atera zituzten.

Uztailaren 28an, osteguna, 11:00etan, Duintasunaren Kolunbarioaren inaugurazioa izango da Urduñako udal hilerrian. Bertan, Gerra Zibileko eta frankismoaren 15 biktimen gorpuzkiak hobiratuko dituzte berriro. Horietako 14 Urduñako Espetxe Zentral zaharrean hil ziren eta 2014an hilerritik atera zituzten.

Testuinguru horretan, nabarmentzekoa da 1937 eta 1941 bitartean gutxienez 225 pertsona zendu zirela Urduñan ezarritako gerrako presoen kontzentrazio-esparruan eta espetxe zentralean.

Udalak 80.000 euroko aurrekontua (BEZa barne) jaso du Gogora Memoriaren, Bizikidetzaren eta Giza Eskubideen Institututik kolunbario hau eraikitzeko.

Aurrekariak

Francisco Etxebarria antropologo forentsea eta Aranzadi Zientzia Elkarteko Lourdes Herrasti Historiako doktorea buru zituen taldeak txosten bat aurkeztu zuen 2014an, Urduñako Espetxe Zentralean gatibu zeudela hil ziren 14 biktima hobitik ateratzeari buruz.

Dokumentu horretan, hilerriaren eskuinaldeko horma-hobiak eraiki ziren lursailaren azpian antzeko lurperatze gehiago egoteko aukera jaso zuten.

Ondorioz, eremu horretako 204 nitxoren hileta-eskubideen emakidak azkentzea erabaki zuen Udalak 2017an, frankismoaren errepresioaren biktimen gorpuzkiak aurkitzeko, berreskuratzeko eta identifikatzeko lanak errazteko.

Ezkerreko korredoreetako bigarren prospekzio batean, 2021eko irailean, Aranzadik baztertu egin zuen bertan Espetxe Zentraleko presoen gorpuzkiak zeudela. Hala ere, banakako ehorzketak egon zirela egiaztatu zen, eta horien gorpuzkiak uneren batean beste leku batera eraman zirela; hala ere, ez dakite horiek espetxeko biktimekin bat datozen.

Orain, 2022an, Udalak 96 horma-hobi kendu dituzte hilerriaren eskuinaldetik (310-405 zk.), eta gorpuzkiak barrunbe berrietara eraman dituzte, azpian egon daitezkeen presoen hezurrak hobitik ateratzeko. Udal eta Probintzien Espainiako Federazioaren (FEMP) aldetik 25.000 euroko diru-laguntza jaso du tokiko erakundeak azken ekintza horietarako.

Udalaren esker ona

Udalak eskerrak eman nahi dizkie Urduñako familiei euren laguntza eta enpatiagatik; izan ere, haien senideengorpuzkiak lekualdatzeko baimena eman dute horien azpian egon daitezkeenak lurpetik ateratzeko eta Duintasunaren Kolunbarioan sartu ahal izateko.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide