Antiguako jaietako lehen ekitaldiak irailaren 8an, ostegunean, izango dira; 12:00etako kanpai-dangadaren ostean, meza eta luntxa ere egongo dira, 12:30ean, santutegian.
Txupinazoa, ordea, ostiralean izango da, irailaren 9an, 17:30ean. Ondoren, haurrentzako jolasak antolatuko dituzte 18:00etan eta duatloi jolasak 19:00etan. Buruhandien askatzea 19:30ean izango da, eta 20:00etan txokolate janaz eta bingoaz gozatzeko aukera egongo da. Amaiera ekitaldiak berbena eta karaokea izango dira, 23:00etan.
Larunbata mendi irteera batekin abiatuko da, 10:00etan. 11:00etan tortilla lehiaketa hasiko da eta horren sari banaketa 13:00etan gauzatuko dute. Herri bazkaria 15:00etan izango da. 17:00etan, briska txapelketari hasiera emango diote eta, 17:30ean, haur jolas parkeari. Eguna hurrengo ekintzekin amaituko da: 20:00etan, dantzaldia; 22:30ean, DJ Ra; eta 03:00etan, zozketa berakatz zoparekin.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
