Urduñako Elikadura Estrategia

2023an aho batez onartu zen Urduñako 2030erako elikadura estrategia. Estrategiaren idazketan Euskal Herriko Unibertsitateko Ekonomia eta Enpresa Fakultateko Ekonomia Zirkular eta Jasangarriaren ikerketa taldeak parte hartu du. Daniel eta Nina Carasso Fundazioaren elikadura-sistema lurralderatuak garatzeko laguntzen deialdiaren bidez lortutako finantzaketari esker egin da lana. Estrategiak bi zati ditu: lehenengoa, diagnostikoari buruzkoa, eta bigarrena, estrategia etorkizunean gauzatu ahal izateko ekintza-ardatzen eta jarduera-ildoen proposamenari buruzkoa.

Diagnostiko-fasea

Elikadura-sistemaren arloko udal-estrategiaren berrikuspena izan da, hau da, ekoizpenetik hasi eta azken kontsumora arte, transformaziotik pasatuz. Fase honetan, azken 20 urteetan nekazaritzako eta abeltzaintzako ekoizpenari, merkaturatzeko zirkuitu laburrei, ekoizpenaren bidez Urduña sustatzeari eta elikadura osasungarri eta bidezkoari lotuta garatu diren proiektu eta ekintzetan parte hartu duten eragile guztiak izan ditugu.

Proposamenen fasea

Proposamenen fasean, epe labur, ertain eta luzerako estrategia definitu da, eta elikadura-sistema iraunkor eta justu baten garapenari lotuta dauden hainbat eragileren laguntza izan dute.

Urduñako elikadura-estrategia berriak azken urteetan egindako lana du abiapuntu, eta garapen jasangarriaren 2030erako helburuekin bat datorren nekazaritzako elikadura-sistema baterantz igarotzeko aukera ematen du. 2030erako EAUak sei jarduera-ardatz eta zortzi ekintza-ildo ditu. Planak 2027ra arte planifikatutako ekintza zehatz batzuk ditu, sortzen diren aukeren arabera garatuko direnak.

Urduñak, beraz, 2030eko helburuak dituen elikadura-estrategia bat du, non elikadura osasungarri eta justurako eskubidea, klima-aldaketara egokitzea eta beste estrategia eta plan batzuekiko koordinazioa indartuta atera diren. Hori guztia Urduñako elikadura-sistemaren trantsizioak tokiko garapena udalerriaren ikuspegi global eta integral batetik ulertzen lagun dezan.

Jarduera-ardatzak

• Gobernantza.
• Dieta osasuntsuak eta iraunkorrak.
• Ekitate soziala eta ekonomikoa.
• Ekoizpena eta eraldaketa.
• Hornidura eta banaketa.
• Elikagaiak alferrik galtzea

Jarduera-ildoak

1. EAU2030 sozializatzea.
2. Nekazaritzako Ekologiaren Institutua Urduña.
3. Urduñako Lurralde Plana- Enplegua eta Eskualdea.
4. Elikadura-ingurune osasuntsuak iraunkorrak eta zuzenak.
5. Elikadura-mahaia Urduña, Energia-komunitatea Orduña elikatzen.
6. Memoria berreskuratzea Urduñako elikagaiak.
7. Zeharkako ekintza-ildoak.