🔴 AMURRIOKO UDALAK DIRU-LAGUNTZA KENDU DIO ESKUALDEKO EUSKARAZKO KOMUNIKABIDE BAKARRARI 🔴
📝 Eman atxikimendua eta babesa Aiaraldea Komunikabideari, hemen sinatuta 👇
www.labur.eus/amurrioneuskarazbizinahidugu
📍 Ekainak 21, ostirala, AGERRALDI HERRITARRA Amurrioko Juan Urrutia plazan, 19:30ean.
Ohikoa den bezala, aurten ere Olaran elkarteak San Juan azoka egunetako egitarau oparoa antolatu du. Xaroles abereen erakusketa izango da nagusi, eta abeltzaintza azienda salerosketaren inguruko informazio gehiago behar edo nahi izanez gero Olaran elkarteak hurrengo zenbakiak jarri ditu eskura: 686 679 996 eta 648 294 521.
Euskadiko Zaldi Aziendaren erakusketa, Nekazaritzako Makina-erakusketa, Enkarterriko txakur billanoaren erakusketa eta Sutako ferraketa erakusketa egongo dira beste ekintza askoren artean. Ezin ahaztu, artisautza zein nekazaritza-elikagaien feria egongo dela hilaren 23an. Umeek zaldian ibiltzeko aukera ere izango dute, eta egun osoan zehar Herri Folklorea ere egongo da.
Herri Bazkaria
15:00etan herri bazkaria egingo da Josefinos Antzinako Andra Mari ikastetxearen frontoian. Bertaratu nahi dute herritarrek 656 723 747 edo 689 410 069 zenbakietan egin beharko dute erreserba ekainaren 23ko 13:00 baino lehen. 22 euroko prezioa izango du bazkariak.
Hurritz Makilen Lehiaketa
Aurten lehen aldiz, Hurritz Makilen Lehiaketa egongo da San Juan azokaren baitan. Sari banaketa 12:00etan egingo da eta hiru sari mota egongo dira. Lehen eta bigarren makila multzo hoberenaren sariak, lehen eta bigarren makila hoberenaren sariak eta bertako multzo hoberenaren saria.