Urduñako historiak, paisaia paregabeek eta herria blaitzen duten tradizioek, bertako herritarren abegikortasunarekin batera, Ferrero Rocher-en Juntos Brillamos Más 2026 ekimen ezagunean parte hartzeko hautatutako udalerrien artean kokatu dute hiria. Egitasmo herrikoi honek, Eguberri bakoitzean, nortasun sendoa eta komunitateizpiritu bizia duten herriak jartzen ditu erdigunean.
Aurreko edizioetan bezala, kanpainak udalerri irabazlearen kaleak argiz jantziko ditu Eguberri hauetan, eta hautatutako udalerria guztiz berezi bihurtuko du datorren abenduan.
Urduñak bide honetan aurrera egiten jarraitzeko eta Eguberri hauetan distiratsuena izango den herria izateko aukera edukitzeko, fase erabakigarria hasiko da orain: herritarren bozketa.
Une honetatik hasi eta datorren azaroaren 8ra arte, Urduñari maitasun berezia dioten guztiek keinu soil batekin erakutsi ahal izango dute euren babesa: hautagaitzaren alde bozkatuz Ferrero Rocherren webgune ofizialean.
“Ekimen honek aukera paregabea ematen digu Urduñaren irudia estatu osoan zabaltzeko eta gure hiria berezi egiten duen hori guztia partekatzeko. Gainera, hautaketa hau ezusteko pozgarria izan da, antolakuntzak zuzenean aukeratu baitu Urduña. Orain, herritarrek eurek eta gure hiriari lotura berezia dioten horiek guztiek bat egitea eta lehen fase honetan gogo handiz parte hartzea nahi dugu”, adierazi du Iker Santocildes alkateak.