Think globally, act locally. Esaldi horrek jendeak planeta osoaren osasuna kontuan hartuta, eta hau hobetzeko asmoz, bere komunitate eta hirietan jardutera animatzen du. Argi dago esaldi horrek bere osotasunean adierazi nahi duena aurrera eramatea ezinezkoa dela. Hala ere, beharrezkoa eta posiblea dena, norberak edozein arlora bideratuta bada ere, zerbaitegatik arduratzea eta zer edo zer horregatik jardutea da.
Nerbioi ibaiaren egoera salatzea eta hobetzen saiatzea esaldi horretan barneratu daiteke, nire ustez behintzat. Ibaiaren egoera, osasuna, flora, fauna, araztegiak, isurketen kudeaketa, salaketak, erantzukizunak, uraren kalitatea eta abarren ardura zeini dagozkion. Borroka horretan, herritarrok erantzunkizuna eskatu behar diegu erakundeei eta enpresei, haien guztien errua delako gure errekaren egoeraz ezagutzen duguna. Horren adibidea da gaur egun oraindik ere Laudion eta Amurrion araztegirik ez edukitzea, eta orain dela hilabete bat Saratxoko industrialdean gertatutako isurketa hiltzailea.
Mundu guztiaren ustetan ibaiaren egoera oso txarra da. Hortaz, kutsadura atmosferikoagatik, TTIPagatik, birziklapenagatik, mugikortasunagatik, frackingagatik, edo ibaiarengatik ere, Think globally and act locally.
Baina garaiz egin ezazue!