Legegintzaldi berria hasi zenetik sei hilabete baino ez dira igaro. Orain arte ez dago alderdi bezala konta dezakegun nobedade askorik. Kargu-hartzean esan genuenez, lau urte hauetan erronka handiak ditugu etorkizunari begira, elkarlanean aritzeko eta gure bizilagunen bizi-kalitatea hobetuko duten akordioak lortzeko gaude.
Argi dago Udaleko gehiengoa egungo gobernu-taldeak duela, baina gure eginbeharra da akordioak betetzen direla zaintzea eta, era batera edo bestera, gure programaren zati bat gauzatzen saiatzea. Ez ginen ados jarri tasei eta zergei dagokienez; izan ere, gobernu-taldearen proposamena horiek igotzea izan zen, eta gureak, berriz, izoztea, gure programan esan genuenez.
Datozen egunetan aurrekontuen eztabaida izango dugu. Horretarako, gure adinekoen segurtasuna hobetzeko proposamenak egin ditugu, herritarrena oro har, baita udal langileena ere, herritarrekiko komunikazioa hobetzeko, eta haur-parkeak berritzeko.
Orain arte horrela izan ez bada ere, gustatuko litzaiguke datozen urteetan Udalaren eguneroko lanean gurekin kontatzea. Herriaren alde eta herriarentzat, herri euskaldun, solidario eta guztion bizi-kalitatea hobetuko duen Arrankudiaga-Zollo baten alde lan egiteko konpromisoa berretsi nahi dugu.
Bukatzeko, gure desiorik onenak guztiontzat, jai zoriontsuak eta urte barri on!!!