Antzinako Azokaren 16. edizioa zapatuan ospatuko da hiriko alde zaharrean. Iaz bezala, ostalariek antolatu dute, eta hainbat nobedade izango ditu.
Erdi Aroa Artziniegara itzuliko da asteburu honetan, 1995. urteaz geroztik huts egin barik ospatu den Antzinako Azokaren hamaseigarren edizioarekin. Aurten, iaz gertatu bezala, herriko ostalariak arduratu dira antolakuntzaz, eta ekitaldiz beteriko egitaraua atondu dute. Horretaz gain, ohi bezala, artziniegako herritarren parte-hartzea ezinbestekoa izango da, asko eta asko baitra garaiko arropak jantzi eta ekitaldietan parte hartuko dituztenak.
Azoka goizeko 10:30ean zabalduko da Hiriko Atean, eta ordutik iluntzera bitartean hogeita hamar ekitaldi inguru egingo dira alde zaharrean: antzerkia, tailerrak, kalejirak, magoak eta giroa animatzeko bestelako jarduerak. Betiko moduan, Barrenkaleko sutegia zabalik egongo da errementarien lana erakusteko. Gainera, Barrenkalen bertan gariaren ehotzea ere erakutsiko du Artea Elkarteak. Eguna amaitzeko berrikuntza bat izango da 21:30ean: oinezko herri-lasterketa garaiko jantziekin.