aiaraldea.eus

Peñalba Erronkaren IV. edizioa larunbatean jokatuko da

Erabiltzailearen aurpegia Xabi Zalbide   Kirola
Peñalba Erronkaren IV. edizioa larunbatean jokatuko da

Mendi-korrikalariak eta txirrindulariak lehian jartzen dituen proba berezia laugarren urtez egingo da ekainaren 1ean Artziniegan. Lasterketaz gain, edonorentzako moduko mendi-ibilaldia egingo da ordu eta erdi lehenago.

Mendi-korrikalariak eta txirrindulariak lehian jartzen dituen proba berezia laugarren urtez egingo da ekainaren 1ean Artziniegan. Lasterketaz gain, mendi-ibilaldi normala egingo da ordu eta erdi lehenago.

Datorren larunbatean Artziniegak korrikalariak eta txirrindulariak hartuko ditu Peñalba Erronkaren 4. edizioan. Proba herrikoi hau Ganzorrotz Mendi Kirol Elkarteak eta Artziniega Txirrindulari Elkarteak batera antolatzen dute eta bertan, parte-hartzaileek, Artziniegako herrigunea eta Peñalba mendiko (692 m) tontorraren artean dauden 500 metroak gainditu beharko dituzte arineketan edo bizikletaz. Antolatzaileek jakinarazi dutenez, “bi modalitateen ibilbideak ezberdinak izango dira baina luzera bertsukoak”. Guztira 7 km inguru bete beharko dute, eta azken tartean bide beretik joango dira, “korrikalari eta txirrindularien arteko lehia ikusgarriagoa izan dadin”, adierazi dutenez.

Lasterketaz gain, hasi baino ordu eta erdi lehenago, mendi-ibilaldia abiatuko da Artziniegako frontoitik, helmugan lasterkariak nola sartzen diren ikusi gura dutenentzat.

Ordutegiak:

9:30: Mendi-martxaren hasiera.

11:00 Lasterketa (korrikalariak eta txirrindulariak batera irtengo dira)

11:30-12:15 Lasterkarien iritsiera

Amaieran otamena eta musika-giroa denontzat. Korrikalariek edatekoa izango dute ibilbide erdian.

Informazio zabalagoa eta Peñalba Erronka iragartzeko aurten egindako spota Ganzorrotz taldearen webgunean jaso daiteke: http://ganzorrotz.wordpress.com

 

Peñalba Erronka 2013 spot from Ganzorrotz MKE on Vimeo.

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa