Julian Sanz ugaotarrak iaz laugarren aldiz hartu zuen parte Estatu Batuak alderik alde zeharkatzen dituen txirrindularitza-lasterketan. Bihar Mikel Cubillok egindako dokumentala aurkeztuko du Antzokian, arratsaldeko zortzietan.
10 egun, 4 ordu eta 39 minutu eman zituen iazko ekainean Ugaoko Julian Sanz “ultratxirrindulariak” Estatu Batuak Californiatik Marylanderaino zeharkatzeko, 4.900 kilometro gelditu gabe egin ostean, “non stop” ikaragarri bat eginez. Hain zuzen ere marka horrek ematen dio izena Mikel Cubillok egindako dokumentalari, "10dias4horas39minutos" izena duena. Dokumentalean lasterketari buruz eta inguruan dagoen guztiari buruz mintzo dira protagonistak.
2012an Julian Sanzek bere 4. parte-hartzea burutu du, inoizko posturik onena eskuratuz (laugarren sailkatu zen) eta bere markarik onena eginez. Dokumentala bihar estreinatuko dute Amurrio Antzokian 20:00etan, eta Julian Sanz bertan egongo da aurkezpena egiteko. Sarrera doakoa da eta hainik da, eta dokumentalaren emanaldia bukatu ostean, ikusleek aukera izango dute Julian Sanzi etabere taldekoei galderak egiteko.