Domeka honetan “Museo Bizia” ekimena egingo da Artziniega Museoan , galdurik edo galbidean dauden lanbide eta jarduerak erakusteko asmoz.
Artziniega Museoak bizia hartuko du domekan, azaroak 11, Artea etnografia elkarteak antolatzen duen “Museo Bizia” ekitaldiari esker. Ekitaldi honen helburua, arduradunen esanetan, “iraganeko bizitzeko erak islatzea” da, eta horretarako herriko eta eskualdeko artisauen laguntza izango dute. Hala, ehungintza, eztigintza eta gaztagintzaren prozesua erakutsiko dute, arotza, errementaria eta errotariaren lanaren nondik norakoak azalduko dituzte eta baserriko abereak eta lanak ikusteko aukera izango da. Bestelako jarduera “modernoagoak” ere biziberrituko dituzte, hala nola musoeko denda, eskola eta musika-banda.
“Museo Bizia” ekimena goizeko 11:00etan hasiko da eta hiru ordu iraungo ditu. Arte Etnografia Elkarteak dei egin die artziniegarrei eta bisitariei bertara joateko, ohitura tradizionalak bizitzeko eta sentitzeko aukera paregabea da eta.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
