aiaraldea.eus

Artziniegako eta Aiarako udalek batera antolatu dituzte udako irteerak

Erabiltzailearen aurpegia Xabi Zalbide

Kostaldeko herrietara joateko lau txango egingo dira, bi uztailean eta beste bi abuztuan. Txango guztiak kultur edo jai ekitaldiekin batera egingo dira.

Uda bertan dugu eta, urtero lez, eskualdeko udalek kostaldera eguneko txangoak antolatu dituzte. Aurtengoan, Artziniegako eta Aiarako udalek indarrak batu eta “Eguzkia eta Kultura” izeneko programa atondu dute, bertoko herritarrei kostaldeko herrietara joateko aukera eskaintzearren.  Hala, gutxieneko jende-kopurua izatea errazago bermatuko da.

Kostaldeko herrietara joateko lau txango egingo dira, bi uztailean eta beste bi abuztuan. Txango guztiak kultur edo jai ekitaldiekin batera egingo dira.

Uda bertan dugu eta, urtero lez, eskualdeko udalek kostaldera eguneko txangoak antolatu dituzte. Aurtengoan, Artziniegako eta Aiarako udalek indarrak batu eta “Eguzkia eta Kultura” izeneko programa atondu dute, bertoko herritarrei kostaldeko herrietara joateko aukera eskaintzearren.  Hala, gutxieneko jende-kopurua izatea errazago bermatuko da.

Guztira lau txango egingo dira, bi uztailean eta beste bi abuztuan, eta guzti-guztiak kultur ekitaldiekin batera egingo dira. Hasteko, uztailaren 7an Lekeitiora joango dira, non Kale Antzerkiko Nazioarteko XXIII. Jaialdia ikusteko aukera izango duten. Hurrengoa uztailaren 27an izango da, Santanderrera, Madalenako jaiekin batera. Abuztuan, berriz, Donostiako Aste Nagusia bisitatzeko aukera izango dute hilaren 11n, eta handik aste bira, 25ean, Laredoko “Loreen Guda” ospetsua.

Txangoaren eguna baino astebete lehenago arte eman ahal izango da izena, eta guztietan plaza-kopuru mugatua izango da. Erroldatuek lehentasuna izango dute eta eurentzako prezioa 10 eurokoa izango da. Txango guztietara joateko bonoa ere erosi daiteke 36 euroren truke. Gutxieneko jende-kopurua, berriz, 22 pertsonakoa izango da. Kopurua lortzen ez bada, zenbatekoa itzuliko da. Artziniega eta Aiaran erroldatutakoek izena emateko eta lekuak betetzeko lehentasuna izango dute. Ordutegiari dagokionez, autobusa 08:45ean irtengo da Artziniegatik eta Lanteno, Menagarai eta Arespalditzatik igaro ostean, Luiaondon egingo du azken geldialdia 09:20an.

Erantzunak

Erabiltzailearen aurpegia Anonimo Erantzuna | #1

Udako irteerak direla eta....non dago Ea-k azken urteetan Aiarako igerilekuetara joateko eskatzen zuen autobusa. Orain beraiek gobernuan daudenean eta antolatzeko aukera dutenean zer....ba ez dute egiten!

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa