Arte Ederretako fakultateko ikasleek euren lanak ikusgai egongo dira Artziniega Museoan. Erakusketa atzo inauguratu zen eta apirilaren 29ra arte egongo da zabalik.
Atzo arratsaldez Artziniega Museoan berriz zabaldu zituen aldi baterako erakusketa aretoaren ateak, oraingo honetan Leioako Arte Ederretako fakultateko ikasleen lanak erakusteko asmoz. Artziniega Museoko arduradunek adierazi dutenez, museoak “aurkera eman ohi die artista guztiei, profesionalei zein ez profesionalei bere instalazioak erabiltzeko”, eta erakusketa honen kasuan Artziniegan “harrobia” dagoela aprobetxatu gura izan dute, “sortzeko eta adierazpen artistikoaren hainbat baliabide garatzeko gogoa” duten gazteei leku hori eskaintzeko.
Artista gehienentzat, prestakuntza-prozesuan dauden artistak izanda, euren lehenengo erakusketa da, eta bakoitzak bere ideia plazaratu du bere lanaren bidez. Beraz, erakusketak ez du gai edo hari komunik. Hala ere, museotik adierazi dute “kontzeptu komunak dituzten proiektuez” pentsatzeko balio izan diela lehenengo esperientzia honek.
Peio Ureta eta Aintzane Iturribarria artziniegarren obrekin batera, Jon Sáez, Lusia Kulp, Jone Rodríguez, Cristina Lizarraga, Ribo, Saray Pérez , Maider Montalban, Jesús Llata,Ane Rodriguez, Matxalen Oñate y Jorge Fernandezen lanak daude ikusgai.