Ekitaldia Astobitza Txakolinaren egoitzan izango da. Mapa hainbat urte batzuen eta lagun askoren ondorio da.
Ostiral honetan okondoarrek euren herriko ondare toponimikoa berreskuratu duen mapa eskuetan eduki ahal izango dute. Urte batzuk joan dira Felix Mugurutza Okondoko leku-izenak biltzeari ekin zionetik, eta bihar aurkeztuko den mapa lan horren emaitza da. Bertan, okondoar askoren ekarpena jasotzen da, eta azken hamarkadetan galbidean joan den ondare linguistikoa eta kulturala berreskuratzeko ezinbesteko tresna da. Mapa Eusko Jaurlaritzaren Lurralde Antolamenduko zuzendaritzak emandako diru-laguntzari esker inprimitu da.
Aurkezpen-ekitaldia Astobitza Txakolinaren egoitzan izango da arratsaldeko 19:00etan, eta bertaratutako guztiek maparen ale bana eta txakolin kopa bat jasoko dute. Aurkezpen eguna iragan eta gero, doan eskatu daitezke paperezko mapak udalerri horretako udaletxean. Bertsio digitala ere, eskuragarri jarriko da erakunde horren web orrian.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
