"Ontziak, bai eskerrik asko"; horixe izango da Aiarako Kuadrillako ingurumen arloak edukiontzi horiaren bidezko ontzien bilketa hobetzeko abian jarriko duen kanpainaren leloa. Kanpaina prestatzen ari dira arloko arduradunak, eta jakinarazi dute, era berean. hobeto birziklatzerako aholkuak emango dituen bitxilore izango dela kapainaren irudia.
Kanpainaren bidez “mezu baikorrak” luzatu nahi dituzte, “edukiontzi horia gehiago erabili dadin”. Bide batez, kuadrillako ingurumen-arloak “Aiaraldeko herritarek egunero egiten duten lana eskertu” nahi du, hauek duten sentsibilizazioari esker lortutako emaitzak “paregabeak” direlako.
Herritarren hainbat hedabideren bidez izango dute kanpainan egingo diren ekintzen berri: irratian, prentsan, Interneten eta etxeko postontzietan bidez. Lehiaketak ere antolatuko dira, eta partaideen artean gaiarekin lotuta dauden materialak banatuko dira. Kanpaina 2011ko abendura arte luzatuko da eta Ecoembes, ontzien bilketa eta kudeaketarako irabazte asmorik gabeko sistemari esker egingo du Aiarako Kuadrillak.
Datuei dagokienez, Aiarako Kuadrillako Ingurumen Arloak jakinarazi du eskualdeko herritar bakoitzak, 2009an, batez beste, 18,04 kg. hondakin laga zituela edukiontzi horian eta 19,5 Kg. 2010ean. Adierazi dutenez “Erkidego mailan jasotako datuen gainetik gaude”. Izan ere, Euskal Autonomia Erkidegoan bilketak bi urte hauetan %2,14 egin bazuen gora, gure eskualdean %8,09 handitu zen