Aralarreko eszisio batetik sortutako alderdiak Bildurekin bat egitea erabaki du “Araban aldaketa politiko eta sozialaren alde egiteko”. Bildu Araba koalizioa EA-k, independenteek, Alternatibak eta Araba Baik osatuko dute.
Ostiralean, Gasteizen, Araba Bai alderdiko ordezkariak EA eta Alternatibako arduradunekin batera agertu ziren jendaurrean, Bildu koalizioarekin bat egin dutela iragartzeko. Horrela, Bildu Araba koalizioa alderdi horiek eta hautagai independenteek osatuko dute. Bilduk bere zerrendak gaur aurkeztuko ditu, eta Aiaraldeari dagokionez, beraz, Araba Bai-ko kideak
Araba Bai-k, prentsa-ohar baten bidez bere asmoak eta analisia eman du jakitera. Adierazi dutenez, “Eusko Herriak fase politiko eta historiko berri bat bizi du”, eta fase horretan “aldaketa politikoa gauzatzeko gaitasuna izan beharko dugu bide politikoak, baketsuak eta demokratikoak erabiliz, giza-eskubide guztiak errespetatuz”. Horretaz gain, diote Bildurekin bat egiteko erabakia hartu dutela “indarrak metatzea gure potentzialitaterik handiena delako, eta hain zuzen ere horixe delako Bilduren konpromisoa”. Araba Bai-ren arabera, “konpromiso hori ezinbestekoa da Araban aldaketa politiko eta soziala lortzeko, eta udal eta biltzar nagusietan islatu behar da bide horretan aurrera egiteko”.
Testuinguru horretan, Araba Bai-k uste du Araban “lehentasun politikoa” dela “etorkizunari begira aukerak zabaltzea ezkerreko independentismotik”, eta hori kontuan izanda “akordioak lortu dituztela Araba Euskal Herrian nola eraiki zehazten dituztenak, eta benetako aldaketa gura ez dutenak jarritako blokeoa gainditzeko balio dutenak”.
Araba Bai-k, dituen asmo zehatzen berri ere ematen du prentsa-oharrean: gardentasuna eta demokrazioa parte-hartzaileam, euskararen berreskurapena, eredu jasangarri bat, Trebuñuren inkorporazioa... “azken batean, Bildu koalizioak 180º-ko bira emango dio azken urteotako dinamika politikoei, jarrera ezkertiar eta independentisteetatik beste eszenatoki politiko baterantz joatearren”