Arabako Foru Aldundiko Diputatuen Kontseilua gaur goizean batu da Artziniegan. Bertan, kontseiluak erabaki du udalari 20.000 euroko diru-laguntza bat ematea, museoak dakartzan gastuetarako.
Artziniega Museoak bere finantzaziorako laguntza handia jasoko du laster, gaur bertan Diputatuen Kontseiluak hartutako erabakiari esker. Kontseiluak Artziniegan bertan egin du gaurko bilkura, eta bertan adostu du Artziniegako Udalari museoak dakartzan gastuak finantzatzeko 20.000 euroko diru-laguntza ematea. Diru hori eguneroko gastuak eta mantentzea ordaintzeko erabiliko da.
Museoaren urteroko aurrekontua 120.000 eurokoa da, eta orain arte diru gehiena udalak eman izan du. Hori dela eta, Artziniega Museoko arduradunen asmoa Aldundiarekin hitzarmen iraunkor bat izenpetzea da, aurrekontu horren erdia aldundiak finantzatu dezan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
