aiaraldea.eus

Kexaako artelanak momentuz ez dira Aiaraldera itzuliko

Erabiltzailearen aurpegia Xabi Zalbide   Kultura

Aldundiak Kexaako monumentu-multzoko bost artelan garrantzitsu Gasteizera eroan zituen duela urtebete. Kulturako diputatuak adierazi du sei hilabete barru Aldundiak erabaki bat hartuko duela, segurtasuna kontuan izanda.

Aldundiak Kexaako monumentu-multzoko bost artelan garrantzitsu Gasteizera eroan zituen duela urtebete. Kulturako diputatuak adierazi du sei hilabete barru Aldundiak erabaki bat hartuko duela, segurtasuna kontuan izanda.

Laster urtebete egingo du Aldundia Kexaan zeuden balio handiko bost artelan hortik atera eta Gasteizko Elizbarrutiko Arte Museora eroan zituenetik, Kexaan ez ei zelako segurtasuna bermatzen. Horretarako, baimen berezia eskatu behar izan zion Jaurlaritzari, eta erabaki horrek eztabaida bizia sortu zuen, Alderdi Popularra aurka agertu zelako. Artelanok Kristoren Pasioaren triptikoa, Adatsaren Ama Birjinaren erlikia-ontzia, XIV. mendeko kopoi veneziarra, San Joan Bataiatzailearen eta Kristo Gurutziltzatuaren egurrezko irudiak dira. XIV. mendekoak dira denak eta balio artistiko handia daukate. "Kexaako Altxorra" izeneko erakusketan ikusi daitezke.

Aurreko astean egindako osoko bilkuran, kulturako diputatu Malentxo Arruabarrenaak, PPren galderari erantzunez, jakinarazi zuen Aldundiak baimena luzatzeko eskatu diola Jaurlaritzari, eta momentuz pieza horiek elizbarrutiko museoan geratuko direla. Aldundiak piezak hobeto aztertzeko baliatuko du luzapena, eta sei hilabeteren buruan erabakiko du Kexaara itzuliko diren ala ez. Horretarako, artelanen egoera zein Kexaako museoko segurtasuna izango du kontuan.

Erantzunak

Erabiltzailearen aurpegia Javier Cuadra Erantzuna | #1

Erabiltzailearen aurpegia Anonimo Erantzuna | #2

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa