Baserriaren Azoka martxoaren 27an egingo da. Baserritarrek eta artisauek martxoaren 23ra bitartean eskatu dezakete postua jartzeko baimena.
Okondoko Udalak aurten hamalaugarren urtez antolatuko du baserriaren azoka; urtero lez, udaberria hastearekin batera izango da, martxoaren 27an, hain zuzen. Azokaren helburu nagusia bertoko baserritarren eta artisauen produktuak erakutsi eta saltzea da, bai eta Aiaraldeko baserrietako ohiturak ezagutzera ematea ere. Horrezaz gainera, dantza eta musika ikuskizunak egongo dira.
Oraindik hilabete pasatxo falta den arren, zabalik dago otsailaren 1etik azokan parte hartzeko baimena eskatzeko epea. Hala egin gura dutenek martxoaren 23ra arte udaleko erregistrora jo dezakete; bertan, eskabidea aurkeztu beharko dute, horretarako udalak duen inprimakiarekin eta behar den dokumentazio guztiarekin batera. Gainera, 60 euroko fidantza bat ordaindu beharko dute. Azokan saldu ahali zango diren produktuak zehazturik daude: lekaleak eta ortuariak, txerrikia, gazta, eztia eta kontserbak, ardo eta likoreak eta, azkenik, ogi eta pastelak. Kategoria bakoitzean eskakizun bereziak daude. Horrezaz gainera, taloak eta edatekoak saltzeko txosnak ere jartzeko aukera dago.
Informazio guztia erantsitako dokumentuan duzue.