Ostiralean, astelehenean eta asteartean izango dira jaietako ekitaldiak. Doako autobus zerbitzua egongo da Amurrio eta Urduñatik.
Uda eta jai-denboraldiaren gorena aspaldi atzean utzi arren, Aiaraldeko herri batzuek jaiak sasoitik kanpo ospatzeko ausardia daukate. Abendua hasi berria dugun honetan Saratxoren txanda da. Aurrekoa steburuan aurrerapena izan zuten mendi-ibilaldiarekin baina ekin, bihar ekingo diete jaiei, arratsaldeko 19:00etan hasiko den mus-txapelketarekin; txapelketa eskolan egingo da eta sariak egongo dira lehenengo lau sailkatuentzat. Gau aldean, 23:30etik aurrera, kontzertuak egongo dira plazan Patxaran Party eta Amets Gaizto taldeekin, eta ondoren euskal disko festa berandura arte. Barikuan, inguruko beste jai batzuetan egin den lez, Saratxora joateko ere doako autobus-zerbitzua egongo da; Amurrioko gasolindegitik 23:30ean abiatuko da eta Urduñako suhiltzaileetatik 23:45ean.
Itzulera goizaldeko bostetan izango da. Asteburuan atseden hartu ostean, astelehenean meza eta Laudioko Santa Lucia abesbatzaren emanaldia egongo da eguerdian, eta arratsaldeko seietatik aurrera umeentzako jolasak. Jaiak amaitzeko, asteartean herri bazkaria egingo dute 14:30ean eta iluntzean SARA-txo pirotekniaren su artifizialak botako dituzte.