Aiarakoak diren zein Aiarako ikastolan ikasten duten umeentzako lehiaketa da. Epea gaur zabaldu da eta abenduaren 3ra arte egongo da zabalik.
“Nola biziko zenituzke Gabonak dirurik gabe?”. Galdera horixe da Hogeitalau euskara elkarteak Aiarako Udalaren eta Arabako Foru Aldundiaren laguntzarekin antolatu duen lehiaketaren gaia. Abiapuntu horrekin, umeek postal, ipuin edo komiki bat sortu beharko dute, kategoriaren arabera. Izan ere, kategoria bakoitzak bere formatua izango du: 6 eta 8 urte bitarteko umeek postala egingo dute, gaian oinarritutako marrazki batekin eta gutxienez euskarazko 4 lerro izango dituen testu batekin lagunduta. 8 eta 10 urte bitartekoek, berriz, ipuina egingo dute, gutxienez orrialde batekoa eta, gehienez, orrialde eta erdikoa. Azkenik, 10-12 urteko umeen zeregina komiki bat izango da, gutxienez orrialde bat eta, gehienez, bi orrialdekoa.
Lanak aurkezteko epea gaur hasi da eta abenduaren 3ra arte egongo da zabalik. Lanok egilearen datu pertsonal barik aurkeztuko dira, eta gutun-azalean “Gabonetako Lehiaketa 2010” jarriko da adieraziz zein kategorietarako den. Gutun-azalean, lanaz aparte, beste gutun-azal itxi bat sartu beharko da, barruan egilearen datuekin (izena, abizena, helbidea, jaiotze-data eta telefono-zenbakia). Aiarako udaletxean zein Etxaurren ikastolan entregatu daitezke.
Sariei dagokienez, ez da diru-saririk emango, eta oparitan jasoko dute, kategoria guztietan lehenengo eta bigarren sailkatuek