Arratsaldeko 7,30etik aurrera izango da Llantenoko Arte Eskolan. Herri saharauiarren historiaz eta orainaz jardungo du.
Gaur arratsaldeko zazpi eta Joseba Zuazo Euskal Herriko Unibertsitateko irakasleak berballdia emango du Llantenoko Arte Eskolan Mendebaldeko Saharako egoeraren gainean. Josebak hartu-eman estua dauka Sahararekin, beste euskaldun askok bezala, Uda Bakean programari esker sortutakoa. Gaurkoan saharauien historiaz eta egungo egoeraz hitz egingo du, "Hodeien seme-alaben lurra" deitu duen konferentzian. Guk berarekin berba egiteko aukera eduki dugu eta horren berri eman digu.
"Hodeien seme-alaben lurra"; zergatik izenburu hori, zeri buruz jardungo duzu bihar Llantenon emango duzun hitzaldian?
Hodeiak non, Sahararrak han; aldizka egiten duen euriaren ondorioz eta gamelu taldeentzako basamortuko larren bila sahararrak herri ibiltaria ziren. Hotik datorkio izenburua eta hitzaldia bai historiaz, egoeraz eta eguneroko bizitzaz kontu kontari arituko gara.
Zein da Saharerekin izan duzun harremana?
Uda Bakean programetan etorri ohi diren haur saharar batek familiarik gabe zegoen eta gure lagun batzuen etxean lekua egin zioten; kasualitatez eta lanaren beharraz beraiek egun batzu alde egin behar zutenez haur hura gurekin geratu zen eta hortik aurrera eta txiripaz harreman horiek sendotu ditugu; bera etotzen eta gu ere Saharara joanez.
Benetan jabetzen gara euskaldunok Mendebaldeko Saharan gertatzen denaz?
Nahiz eta garai batean estatu españoleko probintzia izan, 1975ean gobernuak Marokoari zein Mauritaniari lurralde hori banatu eta bertako biztanleak abandonaturik utzi zituen, gero bekatua ezkutatu arren ahalik eta gutxiago egunkarietan agertu ohi da.
Zelan ikusten duzu etorkizuna?
Ezbairik gabe itxaropenez beterik. Gero eta gehiago hitz egiten da gai horretaz, egunkariak irakurtzea besterik ez dago egin behar eta Nazio Batuen Erakundeak bultzaturik Maroko eta Sahara bien arteko elkarrizketak bultzatzen ari dira, irtenbide negoziatua eta Saharren autodeterminazio eskubidea bermatuko duen egoeraren bila hain zuzen. Sahararrek basamortuan hodeiak eta euria bilatzen adituak ziren bezala, egun bakea eta independentzia bilatzeko ere dira.