Atzo egindako batzarrean, Gobernu Kontseiluak Arabako Aldundiarekin hitzarmena egitea adostu du Nerbioko Parke Linealaren beste tarte bat eraikitzeko. Jaurlaritzak eta Aldundiak erdibana ordainduko dituzte 3 milioi euro.
Atzo Donostiako Miramar jauregian egindako bileran Jaurlaritzak bidea zabaldu zion Arabako Foru Aldundiarekin hitzarmena sinatzeari, Luiaondotik Salbioraino (Amurrio) doan Nerbioiko Parke Linealaren zatiaren lanak finantzatzeko, 2012. urtera bitartean. Hitzarmenaren arabera, Jaurlaritzak urteko 500.000 euro emango ditu, eta Aldundiak milioi bat euro 2011an eta 500.000 2102an, guztira 3 milioi euro bideratuz.
Parkearen zati berri honek jarraipena emango dio jadanik eginda dagoen Gardea-Luiaondo tarteari, eta beste urrats bat da Delikatik Arakaldoraino joango den parke lineala osotzeko. Guztira parkeak 33 km izango ditu, eta momentuz lehen aipaturiko tartea baino ez dago erabilgarri. Zati berria zailtasun tekniko handikoa ei da, bost zubi eta lur azpiko pasabide bat egin behar direlako, eta horren bidez “Tubos Reunidos” enpresara eta Salbioko geralekura bidegorriz heldu ahal izatea lortuko da. Aiaraldeko PSEk bere poztasuna agertu du sinatutako hitzarmena dela-eta.
Proiektuari buruzko informazioa HEMEN