Gaur jokatu da Arespalditzan Jesus Isasiren oroimenezko San Prudentzio Saria. Viña Ijalba talde errioxarreko Javier Otxoa gaztea gailendu da 29 txirrindulariren artean.
Gaur goizean, eta Aiarako jaien egitarauaren barruan, txirrindularitza izan da nagusi Arespalditzan. Jesus Isasiren oroimenez jokatzen den kadete mailako San Prudentzio txirrindularitza-lasterketak 29 parte-hartzaile izan ditu -parte-hartzea beste urte batzuetan baino apalagoa izan da- eta horien artean Javier Ochoa Viña Ijalba taldeko gazte errioxarra nagusitu da.
Ibilbideak 48 kilometro izan ditu eta txirindulariek 6 bira eman diote 8 kilometroko zirkuitu bati. Ochoaren ostean Yerai Ruiz Aranako taldeko txirrindularia izan da bigarren sailkatua, eta hirugarrena Aguraingo Arabarrak taldeko Xabi Vegas. Bertoko txirrindularirik onenaren saria Luyando-Ganzedo taldeko Galder Zurimendi gazte aiararrak hartu du. Taldeen sailkapenari dagokionez, Aguraingo "Arabarrak" taldearentzat izan da.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
