Leihoa zabaltzeko prest

Erabiltzailearen aurpegia

Oso gutxi falta da jauzia emateko, eta goiz goizetik Amurrioko plaza itxura hartzen dabil gaur eguerdiko irekiera-ekitaldirako, Aiaraldea Komunikazio Leihoko hainbat eta hainbat lagun lanean jo eta ke ibili ostean.

Oso gutxi falta da jauzia emateko, eta goiz goizetik Amurrioko plaza itxura hartzen dabil gaur eguerdiko irekiera-ekitaldirako, Aiaraldea Komunikazio Leihoko hainbat eta hainbat lagun lanean jo eta ke ibili ostean.

Udaberriko egun ederra lagun, Amurrioko Juan de Urrutia plaza prest eta gertu dago eguerdiko 13:00etatik aurrera Aiaraldea Komunikazio Leihoaren irekiera-ekitaldia hartzeko. Lehenengo ordutik hainbat lagun karpak montatzen, eszenatokia, aulkiak eta mahaiak jartzen, azpiegitura teknikoa atontzen, jendearentzako ordenagailuak ipintzen... den-dena une batetik bestera jendaurrera saltoa eman dezagun.

Ekitaldia, esan bezala, ordu batean hasiko da eta Aiaraldeko lehenengo euskarazko komunikabidearen aurkezpen honetan bertaratutakoek musikaz, ikusentzunezkoaz, jolasez eta jan eta edatekoaz gozatzeko eta gure ataria deskubritzeko aukera izango dute. Zuen zain gaude!

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide