Udazken honetan txirrindularitza klasikoak leku berezia izango du Artziniega Museoaren kultur jardueran. Hala, irailaren 22an hasita, horrekin lotutako hainbat ekitaldi eta ekintza antolatuko dira. Lehenengoz, azaroaren 30era arte zabalik egongo den erakusketa inauguratuko da, non ikusgai egongo diren bai bizikletak, bai arropa, koadroak eta abar.
Erakusketa zabaldu eta biharamunean, “La Karpy” izeneko bizikleta-ibilbidea egingo da. Goizeko 9:30ean abiatuko da Museotik bertatik eta Amurrioraino joango da, bertan, Karpy likorearen destilategia bisitatzeko, 1831an Don Manuel Atxak sortutakoa (egun estatuko destilategirik zaharrena da). Ondoren, txirrindularitzaren eta Licor Karpy (1967-1972) talde profesionalaren museoa bisitatuko dute. Hamaiketakoa hartu ostean parte-hartzaileak Artziniegara itzuliko dira eta bazkaria egingo dute frontoian. Izen-ematea doakoa da eta 945396210 telefonoan egin daiteke. Hori bai, parte hartzeko 1987 baino lehenagokoa izan beharko da erabilitako bizikleta.
Horretaz gain, antolatzaileek jakinarazi dute hitzaldi bat egingo dela, zeinean garai ezberdinetako txirrindulariek euren esperientzia eta bizipenak kontatu dituzten, eta beste bat Ciclismo a Fondo aldizkariak aritutako Txemi Llano argazkilari profesionalarekin. Oraindik ez dira hitzaldien datak zehaztu.