Datorren martxoaren 20an -osteguna- Bide Ertzean talde gipuzkoarrak kontzertua eskainiko du Gasteizko Jimmy Jazz Aretoan. Bi sarrera bikoitz zozketatuko ditugu sarrera honetan taldeari buruzko iruzkinak idazten dituzten pertsonen artean. Iruzkinak egiteko aukera asteazkenean gaueko 23:00etan itxiko dugu, animatu zaitez eta parte hartu.
BIDE ERTZEAN
MARTXOAK 20 OSTEGUNA
ATEAK: 21.00 EMANALDIA: 21.30
Bide Ertzean, “77” diskoaren aurkezpena Don Inorrez (G. Hotsak, 2010) diskoarekin bira eder bat osatu ondoren, lan berri batekin datoz Bide Ertzean taldeko kideak: 77 (G. Hotsak, 2013). Izenburuak iradokitzen duen moduan, 70eko hamarkadan ipini du begipuntua Tolosako taldeak. Askatasuna, maitasuna, berdintasuna bizi eta gozatu nahi duen gazteria, Feminismoa eta ekologismoaren agerpena, ikastolen loraldia, sindikatuen bilakaera… 40 urteko gau beltzaren ondoren, orduko gazte belaunaldi haren ahalegina ez zen hutsala izan. Musikalki, berriz, aspaldian egin duten disko gordinena da 77. Elektrikoena. Zuzena. Ezberdinena. Zeresan handia izan du Suso Saiz musikari madrildar ezagunak, bera izan baita ekoizle artistikoa.