Amalur fundazioak antolatu duen Aiarako eta Nerbioigoieneko prentsa-kronika historikoen gaineko erakusketa ibiltaria Amurrioko liburutegian dago ikusgai azaroaren 5etik. Bertan ezarritako paneletan hainbat garaitako egunkariei eta aldizkariei dagozkien irudiak ikus daitezke.
Zehazki XVIII. mendetik XX.erako tartean jasotako prentsa agerpenak dira Liburutegian ikusgai daudenak, eta bertan topatu dezakegun azalpen txartelak dioenez, "hemerotekek garaiko kronika eskaintzen digute; politika, kultura,bertako, estatuko, nazioarteko edota kirol gertaerei buruzko informazio anitz. Berri hauek guztiek, bestelako tresna historiografikoekin batera, garaiko testuinguru historiko-sozio-ekonomikoaren erradiografia eskaintzen digute".
Amalur Fundazioak antolatutako erakusketa azaroak 14ra arte egongo da ikusgai Amurrioko Liburutegian (lan-egunetan astelehenetan salbu, 10etatik 14etara eta 17etatik 19etara; larunbat eta igandeetan goizez soilik), eta ondoren, Laudio eta Orozko herriak ere bisitatuko ditu.
Azaroaren 18 eta 28 bitartean egongo da erakusketa Orozkoko Etnografia Museoan.