Nekatuta zaude CVa enpresetara bidali eta emaitzarik ez lortzeaz?, Lan bila zabiltza baina zail egiten zaizu, prestakuntza urria duzula eta?, Ez zaizu prestakuntza bat ere gustatzen eta ez dakizu zure bizitzarekin zer egin?

Noizbait galdera hauek egin badizkiozu zure buruari Txertatu Merkatuan zure interesekoa da. Aurkezpen jardunaldia irailaren 26an egingo da 11:00etatik 12:30era, ReforAmurrio Enpresaldean. Bertan programa garatuko duten pertsona ezberdinek programa, metodologia eta helburuak azalduko dituzte. Jardunaldi hau parte hartzaile zein bere senideei zuzenduta dago eta Amurrio Bideanen izena ematea beharrezkoa da 945891721 telefono-zenbakira deituta edo empresa@amurriobidean.org helbidera idatzita. Programa hau 16 eta 30 urte bitarteko gazteei zuzenduta dago, EMHZ ikasketak edo baxuagoak dituztenak edo unibertsitate-ikasketak utzi dituztenak. Pertsona hauek langabeak izan beharko dira eta gazteen Berme Sisteman izena emandakoak (informazio gehiago Amurrio Bidean-en edo Lanbiden) Txertatu Merkatuan programak ezagutza, gaitasun eta hobbietatik abiatuta lan-profila eraikitzen laguntzen die parte-hartzaileei, motibazioa eta autoestimua landuz eta enpresetako esperientziak gerturatuz. Horretarako, 6 coach profesionalek esku hartuko dute. Profesional horiek esperientzia handikoak izango dira, gazteekin lan egiten ohituta daudenak eta mundu ezberdinetatik etorritakoak; besteak beste, enpresa-, antzerki- eta kirol-mundutik. Jorge Ortiz de Urtaran; hainbat sari irabazi duen coach ekintzailea eta “Y ahora por qué no?”liburuaren idazlea Beatriz Lafarga, lan taldeen arduraduna bezala esperientzia duen coach y pedagoga Tania Lamarca, gimnasta erritmiko oiha, bitan munduko txapelduna eta 96ko joku olinpikoetan urrezko domina eta kirol coach-a Leticia Sanchez; antzerkian aditua den coach Sergio Ezpeleta, futbolari ohia eta kirol eta pertsonal coach-a, NHP-n eta adimen emozionalean aditua Aitor Carmona, “El efecto ganador” deritzon blog eta libururaren egilea eta marketing pertsonaleko coach-a Txertatu merkatuan urrian hasiko da eta 2017ko otsailerarte garatuko da. Txertatu Merkatuan programa 2014-2020ko Gazte Enplegurako Programa Operatiboaren esparruan gauzatu da. Europako Gizarte Funtsak finantzatu du programaren % 91,89, eta Garapenek koordinatzen du. Programa hau tokiko garapenerako beste 20 agentziatan ere gauzatzen da, eta helburua da EAEko 500 gazteri baino gehiagori aukera bat ematea benetako lan-esperientzietan parte hartzera bideratutako lan-aktibazioko ekintzetan eta programetan parte hartzeko.