Office 365 tresnarekin enpresetako produktibitateari, elkarlanari eta talde-lanari buruzko jardunaldia

Erabiltzailearen aurpegia
Otsailaren 28an, 9:30etik 13:00etara, ReforAmurrio Empresaldean SPRI agentziaren Enpresa Digitalaren esparruan antolatutako doako jardunaldi hau egingo da.

Duela ia 30 urte (1990ean) lehen bertsioa kaleratu zuenetik, Microsoft Office ohiko suite ofimatikoa da enpresa askotan, fitxategiak editatzeko, kalkulu-orriak sortzeko edo aurkezpenak prestatzeko, baita posta elektronikoa kudeatzeko ere.

Baina, azken urteetan, Officek aurrera egin du aplikazio berri askorekin, horietako batzuk ezezagunak; baina, haiei esker, salto egin eta suite ofimatiko izatetik produktibitatera eta taldeko elkarlanera bideratutako ekosistema izatera igaro da.

Edozein sektoretako profesionalei zuzendutako jardunaldi honen helburua da Office 365 suitearen aplikazio guztien ikuspegi orokorra ematea, ofimatikoak direnetatik harago, elkarlanera bideratutakoetan zentratuz: Outlook, egutegi eta kontaktu partekatuak, bilerak partekatzea, zereginak agendan jasotzea, OneDriveren bidez hodeian gordetzea, txostenak sortu eta partekatzea, Sharepoint, Planner, Chat, Power tresnak, Stream, Booking...

 

INFORMAZIOA ETA ERRESERBAK

Informazio gehiago lortzeko, jarri harremanetan Amurrio Bidean agentziarekin 945891721 telefono-zenbakian edo eman izena honako esteka honetan:  http://bit.ly/372rCLi

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide