Gaur eguerdian Bizkaiko Batzar Nagusiek Bilbon duten egoitzan egindako agerraldian, Urduñako alkate Carlos Arranzek eta Bizkaiko batzarkide Irune Sotok prentsaurrekoa eskaini dute; Urduñako udalaren egoera ekonomikoa aztergtu eta baldintza bideragarriak sustatzeko egindako plana jendaurrean aurkeztu dute.
Alkateak, kreditu-erakundeen eta aldundiaren laguntza eskatu du udalerriak egun duen ia sei milioi euroko zorpetzeak eragiten duen itoera egoeraren aurrean. Agintariaren hitzetan, udalak bere esku dagoen guztia egin du "aldundiak eskatutako neurriak barne; hala nola, antzeko populazioa duten Bizkaiko udalerrien bataz bestekoarekin zergen ekiparazioa eta saneamendu plana".
Aurkeztutako planak hiru eragile desberdinek elkarlanean oinarritzen da; alde batetik udalari dagokionez, honen berregituraketa, zergen berrikuspena eta gastuen kontentzioa hartzen ditu barne. Aldundiari dagokionez, irtenbidean parte hartzeko eskaera luzatu zaio udalaren aldetik. Erakunde publikoez gain, kreditu erakundeen parte hartzea ere eskatu da, egun Urduñak bizi duen zorpetze handiaren aurrean maileguen baldintzak birnegoziatzeko eskatuz.
Bildu koalizioko kideek azpimarratu dute "Udalak lan serioa egin duela eta egoera ekonomikoari irtenbidea bilatzeko planteamendu argia arukezten duela". Honi loturik gogor salatu dute 02/2012 Foru Araua, agintari subiranisten aburuz "ezarritako neurri hau ez da nahikoa, udal bakoitzaren zorpetze egoera desberdina da, ez dago irtenbide bakarra guztientzako" azpimarratu dute. Carlos Arranzen hitzetan neurri honek Urduñaren kasuan "sua gasolinarekin itzaltzeko neurria" da, udalerri honen arazoa gainzorpetzea baita.
[video:http://youtu.be/r7Pc7ppZO0Y]